Addis Ababa, Ethiopia

PayPal የተሰኘው የክፍያ መተግበሪያ Pinterestን ለመግዛት እያጤነ ነው

PayPal የዓመቱ ትልቁ የቴክኖሎጂ ስምምነት ሊሆን በሚችል የ45 ቢሊዮን ዶላር ክፍያ Pinterest የተሰኘውን የማህበራዊ ሚዲያ ለመግዛት እያጤነ ነው። ይህም የክፍያ ኩባንያው “አውራ መተግበሪያ” ለመሆን ያለውን ምኞት ከማሳካት አንጻር አንድ እርምጃ ያቀርበዋል።

የ Pinterest ስምምነት የሚሳካ ከሆነ ባለፈው ዓመት ድርጅቱ የዋጋ ንፅፅር መተግበሪያ የሆነውን Honey ኮርፖሬሽንን ለመግዛት ያወጣውን ወጪ የሚበልጥ ይሆናል። በዋና ሥራ አስፈፃሚ ዳን ሹልማን ሥር ፣ ኩባንያው ከቻይናው አሊፔይ እና ዊቻት ጋር በሚመሳሰል ሁኔታ ለሁሉም ዕቃዎች ግዥ እና ፋይናንስ የአንድ-መስኮት አገልግሎት ሱቅ ለመሆን አቅዷል። PayPal ከፍተኛ ምርት የሚያስገኙ የቁጠባ ሂሳቦችን ፣ የቼክ ገንዘብ አገልግሎቶችን እና የአክሲዮን መዋዕለ ንዋይ ኢንስትመንቶችን ጨምሮ በተሻሻለው አፕሊኬሽኑ ላይ ለመቅረብ አቅዷል።

የPayPal ፍላጎት ለ Pinterest አስቸጋሪ በሆነ ጊዜ መጥቷል። የማኅበራዊ አውታር ኩባንያው Pinterest በዚህ ወር የዲዛይን እና የምርት ቡድኖቹን በበላይነት የሚቆጣጠረው ተባባሪ መስራች ኢቫን ሻርፕ ከስልጣን እንደሚነሳ አስታውቋል። እንዲሁም ድርጅቱ በሴት ሠራተኞች ላይ አድልዎ እንዳደረገ ከቀድሞ ሠራተኞች ወቀሳ እና ክሶች ያስተናገደበት ወቅት ነው። Pinterest እ.ኤ.አ. በ 2019 በይፋ ለብዙሃን አክሲዮን የቀረበ ሲሆን ዋጋውም 10 ቢሊዮን ዶላር ተገምቶ ነበር። በሰአቱም የ13% የአክሲዮን ገበያ ድርሻ በመያዝ የአንድ አክሲዮን ዋጋን በ 62.68 ዶላር በመሸጥ 40 ቢሊዮን ዶላር የገበያ ዋጋን አስገኝቷል።

PayPal ተፎካካሪ ድርጅቶችን በመግዛት ወደ አዲስ ገበያዎች የመዘዋወር ፍላጎቱ ባለፉት ጥቂት ዓመታት ውስጥ እየጨመረ ነው። ለአብነት ያህል Square Inc. የተሰኘውን ድርጅት በተሻለ ሁኔታ ለመወዳደር በማሰብ የአውሮፓውን አነስተኛ የንግድ ሥራ መድረክ iZettle ን በ 2018 ገዝቷል። በመቀጠልም በሸማች የግዢ ልምዶች ላይ ጠቃሚ መረጃን በማግኘት Honey የተሰኘውን ኩባንያ ለመግዛት ተስማምቷል። በመስከረም ወር የጃፓኑን Paidy inc ን በ 300 ቢሊዮን የን(2.6 ቢሊዮን ዶላር) የግሉ አድርጎ “አሁን ይግዙ ፣ በኋላ ይክፈሉ” በሚል መርህ የሚታገዘውን የአቅርቦት አገልግሎቶች ውስጥ ያለውን ተጽእኖ ለማጠንከር አቅዶ እየሰራ ነው።

Leave a comment

%d bloggers like this: