Addis Ababa, Ethiopia

ፑራቶስ ኢትዮጵያ በአዲስ አበባ የገነባውን ልዩ የፈጠራ ማዕከል አስመረቀ

ፑራቶስ ኢትዮጵያ ጥቅምት 14 ቀን 2021 በአዲስ አበባ ኢትዮጵያ የመጀመሪያውን ዓይነት የዳቦ፣ ኬክና ቸኮሌት  ግብዓት  የምግብ ማምረቻ ፋብሪካ እና የፈጠራ ማዕከል ማስገንባቱን አስታወቀ። በአዲስ አበባ በወሎ ሰፈር የተቋቋመው የፈጠራ ሥራ ማዕከል ፣ ጥሪ የተደረገላቸው እንግዶች ፣ የተከበሩ ደንበኞች እና የሚዲያ አባላት በተገኙበት በይፋ ተመርቆ  ሥራ ተጀመሮአል።

የኩባንያው ዋና ሥራ አስፈጻሚ ኤድዋርድ ፖ በበዓሉ ላይ እንደተናገሩት በዓለም የታወቀው ፑራቶስ  የንግድ ስያሜ (brand) የኢትዮጵያን ገበያ በመቀላቀሉ የተሰማቸውን ደስታ ገልጸው አዲሱ ፋብሪካ እና ዘመናዊ ቴክኖሎጂ የተገጠመለት የፈጠራ ማዕከል እያደገ የመጣውን የደንበኞቻቸውን የጥራት ፍላጎት ለማሟላት ቁልፍ መሆኑን ተናግረዋል።

ሌሎች የአፍሪካ ሃገራት ውስጥ ያለንን ተደራሽነት በማሳደግ የኢትዮጵያን ገበያ መቀላቀል በመቻላችን ከፍተኛ ኩራት ይሰማናል፤ ሁሌም ፈጠራ ፣ ምርምር እና ልማት ላይ መዋዕለ ንዋያችንን ኢንቨስት እያደረግን እንደምንቀጥል ላረጋግጥላችሁ እወዳለው።

“ሌሎች የአፍሪካ ሃገራት ውስጥ ያለንን ተደራሽነት በማሳደግ የኢትዮጵያን ገበያ መቀላቀል በመቻላችን ከፍተኛ ኩራት ይሰማናል፤ ሁሌም ፈጠራ ፣ ምርምር እና ልማት ላይ መዋዕለ ንዋያችንን ኢንቨስት እያደረግን እንደምንቀጥል ላረጋግጥላችሁ እወዳለው።” ብለዋልዋና ሥራ አስፈጻሚው፡፡

እ.ኤ.አ. በ1919 ዓ.ም. ቤልጂየም ብራስልስ ውስጥ የተቋቋመው ፑራቶስ ለዳቦ፣ ኬክና እና ቸኮሌት ኢንዱስትሪ የተሟላ የፈጠራ ምርቶችን፣ ጥሬ ዕቃዎችንና አዳዲስ አሰራሮችን እያስተዋወቀ ያለ አንጋፋ ኩባንያ ነው፡፡ ባለቤትነቱ የቤልጂየም የሆነው የምግብ አቀናባሪ በዓለም ዙሪያ ከአንድ መቶ በሚበልጡ ሃገራት ውስጥ ቅርንጫፍ ያለው ሲሆን አፍሪካ ውስጥም በተለያዩ ሀገራት በመሥራት ላይ ይገኛል።

የፑራቶስ-ኢትዮጵያ ሥራ አስኪያጅ ዜኮ ቃሲም በበኩላቸው “ለፈጠራ ያለን ፍላጎት፣ የበኩርነታችን መንፈስ እና ዐቢይ እሴቶቻችን ሁሌም ለጥሩ ምግብ ያለንን ተነሳሽነት ለደንበኞቻችን ለማጋራት በምናደርገው ጥረት ብርታት ይሆነናል” ብለዋል።

ፑራቶስ-ኢትዮጵያ ሃገር ውስጥ ያሉ የኬክና ዳቦ ባለሞያዎች፣ ዓለም ዓቀፍ ሆቴሎች፣ ሱፐር ማርኬቶች እና ሬስቶራንቶች የሚያገለግል ሲሆን በተጨማሪም የጅቡቲ፣ ሱዳን፣ ሶማሊያ እና የኤርትራ  ሃገራትን ፍላጎት የመሟላት ዕቅድ ያለው ኩባንያ እንደሆም ተገልጾአል።

Leave a comment

%d bloggers like this: